Ensambo 28:2 - Baibuli Ekibono kya Katonda 2014

² Ensi erimu aboonooni ebaamu abafuzi kamaala, aye bweghabaagho abafuzi abategeevu era abagezi, ebaamu emiraala.

Ensambo 28:2 ပူးပေါင်းရင်းမြစ်များ

1 Bakyabazinga 15:25

Agho mu mwaka ogwokubiri nga kyabazinga Asa n'afuga Buyudaaya, Nadabu mutabane wa Yeroboamu yaafuuka kyabazinga wa Isiraeli, era yaafugira entangama ya myaka ebiri.

1 Bakyabazinga 15:28

Yamwita mu mwaka ogwokusatu ogwa kyabazinga Asa nga n'afuga Buyudaaya. Kale Baasha yaasikira Nadabu oyo ku bwakyabazinga bwa Isiraeli.

Ensambo 11:11

Abantu abeesimbu baleetera ekibuga enkabi kyakula, aye ababi ebibono bye boogera bikireetera okuzikirira.

Omulangirizi 9:15

Mu kibuga omwo mwabaamu omuntu omugezi aye nga mwavu. Omuntu oyo yaakozesa amagezi ge, yaawonia ekibuga ekyo, aye ghaaloba kubaagho yaidhukira muntu oyo omwavu.

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Hosea 13:11

Nabagha bakyabazinga nga ndiku obusungu, era naamala naababatoolaku nga ndiku ekiruyi.