Ensambo 28:16 - Baibuli Ekibono kya Katonda 2014

¹⁶ Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Ensambo 28:16 ပူးပေါင်းရင်းမြစ်များ

1 Bakyabazinga 12:10

Agho abaisuka abo baamukoba bati: “Abantu abo abakukobye bati, ‘Lata wo yatukaluubiriza inho ekibitiriire, yaatukozesa emirimo emizito, aye iwe tukendeezeeku ku buzito obwo,’ bakobe oti, ‘Akaala kange akansubi, kanene okusinga enkende ya lata wange.

1 Bakyabazinga 12:14

yaajiira ku g'abaisuka ge baamugha, ng'akoba ati: “Oba nga lata wange yabakaluubiriza ekibitiriire, nze ndidha kwongera bwongere okubakaluubiriza einho. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!”

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza: