Ensambo 28:12 - Baibuli Ekibono kya Katonda 2014

¹² Omutuufu bw'afuuka omufuzi abantu basangaala, aye omubi bw'akuzibwa abantu beegisa bwegise.

Ensambo 28:12 ပူးပေါင်းရင်းမြစ်များ

1 Bakyabazinga 18:13

Musengwa Katonda wange, tibaakukobera kye nakola, Yezebeli bweyali ng'ali kwita abalanzi ba Musengwa Katonda? Natwala abantu kikumi ku balanzi ba Musengwa Katonda abo, naabagisa mu mpuku mu bikunsu bya bantu makumi ataanu ataanu, era naabafuniranga emere n'amaadhi.

1 Bakyabazinga 19:3

Agho Eliya yaatya, yaasituka yaalumuka okuwonia obulamu bwe. Yaaja e Beerisheba eky'omu Buyudaaya. Yaaleka eyo omugheereza we,

2 Ebyomubyanda 7:10

Ku lunaku olwairirira, olwamakumi abiri n'eisatu (23) olw'omwezi ogwomusanvu, kyabazinga Solomoni yaasiibula abantu okwirayo ewaibwe. Abantu bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi, ni Solomoni oyo, n'abantu be Abaisiraeli.

Ensambo 11:10

Abantu ab'ekibuga basagamba ng'ebintu biri kujiira abatuufu bukalamu, era bakuba emizira ng'ababi bazikiriire.

Ensambo 28:28

Omubi bw'afuuka omufuzi abantu beegisa bwegise, aye bw'atoolebwa mu bufuzi, abatuufu beeyongera obungi.

Ensambo 29:2

Abatuufu bwe bafuuka abafuzi, abantu basagamba; aye ababi bwe baba mu bufuzi abantu baba mu bulumi.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Yeremia 36:19

Agho baamukoba bati: “Iwe ni Yeremia muje mwegise, mulobe kuganha muntu yeenayeena kumanha ghe muli.”

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.