Ensambo 28:1 - Baibuli Ekibono kya Katonda 2014

¹ Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Ensambo 28:1 ပူးပေါင်းရင်းမြစ်များ

1 Bakyabazinga 1:49

Agho abageni ba Adoniya baadhugumira era baasituka, buli muntu yaagema engira yiye.

2 Bakyabazinga 7:15

Abakwenda baaja baatuukira irala ku Yorudani, era baabona nga mu ngira mwonamwona mwidhwire ebivaalo n'ebintu ebindi Abasiria bye baasuula nga bali kulumuka. Agho bairayo baakobera kyabazinga.

Nehemia 6:11

Aye nze naamwiramu nti: “Omuntu ng'oti ninze nsobola ntya okulumukagho ni neegisa? Era nsobola ntya okuja mu isinzizo olw'okuwonia obulamu bwange? Busa, ekyo tiidha kukikola.”

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Zabbuli 112:7

Amawulire amabi tigamutiisa, omwoyo gwe mugumu nga yeesiga Musengwa Katonda.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Zabbuli 53:6

Katonda agwananga yaaleetagho alizaawula Isiraeli ng'ava mu Sioni! Katonda oyo bw'aliiriza abantu be obukombe, aba Yakobo balisagamba, aba Isiraeli baasangaala.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Ensambo 10:9

Abantu abeesimbu era abeesigwa baba n'emiraala, aye abaguya baja kuzuulibwa.

Ensambo 27:27

Era waaba n'amata ag'embuzi agakumala okufunamu emere ey'okuliisa ab'omu maka go, ghalala n'abairu bo abakazi.

Isaia 30:17

Omwisirukale ow'abazigu aliba mulala ati, yaatiisa abantu lukumi (1,000) ku imwe baalumuka. Ate abaisirukale abataanu obutaanu, balibatiisa mwenamwena mwalumuka. Amagye gaimwe galiweekereragho, ghaasigalagho bwa kikondo kya bendera ku ngulu ku lusozi ng'akamanhiso.

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

Ebikolwa by'Abatume 14:3

Eyo baamalayo entangama nga boogera ebya Musengwa nga bagumu. Musengwa yaakakasa bye baayogera ku kisa kye, ng'abakozesa obumanhiso n'ebyewuunhio.

Ebikolwa by'Abatume 4:13

Bwe baabona obugumu bwa Petero ni Yoanne, nga bamaze okumanha bati baali bantu abataasoma era ababuliidho, beewuunhia inho era baabategeera bati baali baba ni Yesu.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:7

“Musengwa Katonda aidha kuleeteranga abazigu baimwe abanaabalumbanga, okughangulwa nga mubona. Baidha kwidhiranga mu ngira ndala nga baidha okubalumba, aye baidha kwirirangayo mu ngira kamaala nga bali kughaba okulumuka okuva ghe muli.

1 Ab'e Thessalonika 2:2

Waire twali tumaze okudaazibwadaazibwa era n'okuswazibwaswazibwa bwe twali e Filippi, nga bwe mwidhi, twaguma ku lwa Katonda waife twabakobera Amawulire ge Amalungi mu kutakanizibwa okunene.