Ensambo 27:23 - Baibuli Ekibono kya Katonda 2014

²³ Olabiriranga bukalamu ebyayo byo, era waafangayo inho ku nsolo dho.

Ensambo 27:23 ပူးပေါင်းရင်းမြစ်များ

Amainhama 33:13

Aye Yakobo yairamu ati: “Musengwa wange, oidhi ng'abaana bakaali bato, bakaali kufuna maani. Era n'entaama n'embuzi n'ente dhe ndi nadho, dhiyonsa. Bwenaadhitambuza einho, waire lunaku lulala lwonka, dhiidha kufa dhoonadhoona.

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

Okuvaayo 7:23

Agho Kyabazinga yaakyuka yairayo mu ndhu ye. Ebyo ebyaligho byonabyona yaaloba kubitwala ng'ekikulu mu mwoyo gwe.

Ensambo 24:27

Sooka otereeze emirimo gyo egy'okuliya, era otegeke bukalamu emisiri gyo, memale weezimbire endhu.

Ensambo 24:32

Bwe nakibona naalowooza inho, era naafunamu eky'okwega kino:

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 34:31

“Imwe muli ntaama dhange, entaama dhe ndhaya, ate nze naaba Katonda waimwe.” Musengwa Katonda atyo bw'akoba.

Yoanne 10:3

Oyo omukuumi w'omulyango amwiguliragho. Entaama dhiwulira amamiro ge, ayeta kiisi ntaama ye eriina lyayo, yaadhifulumya.

Amateeka Agokubiri 32:46

yaakoba ati: ‘Mutengayo inho omwoyo ku bibono byonabyona bye mbakobeire olwaleero. Mubyegeresenga abaana baimwe, bafengayo inho okutuukiriza byonabyona ebiragirwa mu mateeka gano.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

1 Samueli 17:28

Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”