Ensambo 27:18 - Baibuli Ekibono kya Katonda 2014

¹⁸ Omuntu alabirira omuti omutiini alya ku bibala byagwo, n'ole alabirira musengwa we ateebwamu ekitiibwa.

Ensambo 27:18 ပူးပေါင်းရင်းမြစ်များ

2 Bakyabazinga 18:31

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala by'emizabbibu egigye ku bubwe, n'eby'emiti emitiini egigye ku bubwe, era anhwenga amaadhi ag'omu nsulo eyiye ku bubwe,

2 Bakyabazinga 3:11

Yehoshafati kyabazinga wa Buyudaaya yaabuuza ati: “Ghano ghaziraghooku mulanzi wa Musengwa Katonda, ye tusobola okubitamu ni twebuuzaaku ku Musengwa Katonda?” Agho owundi ku bagheereza ba kyabazinga wa Isiraeli yairamu ati: “Elisha mutabane wa Shafati eyali omugheereza wa Eliya, aligho ghano.”

2 Bakyabazinga 5:25

Yaingira mu ndhu, yaayemerera mu maiso ga Elisha musengwa we. Elisha yaamubuuza ati: “Ova gha, Gehazi?” Gehazi yairamu ati: “Nze omugheereza wo nkaali kujaaku ghantu woonawoona.”

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Ensambo 17:2

Omugheereza akola emirimo obukalamu alifuga omwana waagho akola ebiswaza, era alifuna omugabo ogw'obusika.

Ensambo 22:29

Omuntu akola omulimo gwe obukalamu aba nga takaali mu bantu babuliidho, aba agwanira kuba mu bakyabazinga.

Ensambo 27:17

Omuntu ayegera ku mwine, ng'ekyuma ekigumu einho bwe kighagala kyuma kiinaakyo.

Ensambo 27:19

Ng'omuntu bwe yeebona mu maiso ng'alinze mu maadhi, era otyo bwe yeebona nga bw'afaanana ng'alinze mu mwoyo gwe.

Olwembo 8:12

Solomoni k'afune ebitundu bye ebya feeza olukumi (1,000), n'abalimi abapangisa bafunemu ebitundu ebikumi ebibiri (200). Aye eisamba eryange lirigho nga lyange ku bwange.

Isaia 36:16

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala eby'emizabbibu egigye gyene, n'eby'emiti emitiini egigye gyene, era anhwenga amaadhi ag'omu nsulo eyiye yeene,

Matayo 24:25

“Mwekuume mbakobeire nga bukaali.

Matayo 24:46

Wa nkabi omugheereza oyo Musengwa we bw'aira n'amwagaana ng'ali kukola atyo.

Mariko 10:43

Aye mu imwe tikiri kityo! Buli ayenda okuba omukulu mu imwe, abe mugheereza waimwe.

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Luka 19:17

Yaamukoba ati, ‘Weekaza omugheereza omulungi! Olw'okuba wali mwesigwa mu bitono, oidha kufuga ebibuga ikumi.’

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Ebikolwa by'Abatume 10:7

Malaika wa Musengwa eyali ayogera naye bwe yaja, Korunelio yaayeta babiri ku bagheereza be n'omwisirukale mulala ku abo abamukuuma, eyali omuntu ow'eidiini.

1 Ab'e Korintho 3:8

Oyo asimba ayagayaga n'oyo afukirira era Katonda alisasula buli muntu olw'omulimo gwe yakola.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

1 Ab'e Korintho 9:7

Mwisirukale ki eyeesasulira mwene ng'ali mu igye? Naani asimba enimiro y'emizabbibu n'atalya ku bibala byayo? Mwayi ki atanhwa ku mata ga mu kyayo kye?

Ab'e Kolosai 3:22

Abairu mugonderenga basengwa baimwe ab'oku nsi kuno mu buli kintu. Kino mutakikolanga nga bali kubabona, olw'okwenda okubafunaku obwende. Aye mukikolenga mu mwoyo oguziramu buguya era mu kutya Musengwa.

2 Timotheo 2:6

Omulimi eyafuba n'asooka okulya ku bibala.

1 Petero 2:18

Abagheereza mubenga bawulize ye basengwa baimwe nga mubataamu inho ekinhagansi ti abo ab'ekisa era ababatwala obukalamu bonka, aye n'abo abakambwe.

1 Petero 2:21

Ekyo kye mwayeterwa. Kuba Kurisito yeena yadaazibwadaazibwa ku lwaimwe, yaabalekera eky'okuboneraku kye mube mujiireku.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.