Ensambo 26:27 - Baibuli Ekibono kya Katonda 2014

²⁷ Ole asima ebiina okutega baine aja kubigwamu mwene, n'ole asiringisa ogubaale gugwe ku baine guja kumwiriraku mwene.

Ensambo 26:27 ပူးပေါင်းရင်းမြစ်များ

Zabbuli 10:2

Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Zabbuli 9:15

Abatatya Katonda baagwa mu biina bye baasima okutega abantu abandi era baagwa mu ntuula beene dhe baatega.

Ensambo 28:10

Ole akiidhamya omuntu omwesimbu n'amukozesa ekibi, ebiina by'asima okutega baine, mwene n'alibigwamu. Aye ole aziraku musango alifuna ebirungi kamaala.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Omulangirizi 10:8

Omuntu asimira baine ebiina, mwene n'alibigwamu; n'ole aghaguza n'amenha ekisenge, mwene oyo omusota ye gulimoodha.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.