Ensambo 26:25 - Baibuli Ekibono kya Katonda 2014

²⁵ Aye ni bw'ayogera ebibono ebiwooma bitya, otamwikirizanga, kuba mu mwoyo gwe mwidhwire ebintu kamaala ebyenhinhalwa.

Ensambo 26:25 ပူးပေါင်းရင်းမြစ်များ

Nehemia 6:2

Saniballati ni Geshemu bampeereza obukwenda nga bakoba bati: “Idha twagaanane mu kyalo ekirala ku ebyo ebiri mu kiketezo eky'oku museetwe ogwetebwa Ono.” Aye nga baali n'ekigendererwa kyaibwe kya kunkola kabi.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 28:3

Otantwaliza ghalala n'ababi, n'abo abakozi b'ebibi aboogera obukalamu ni banaibwe, ate nga mu myoyo gyaibwe baidhwire enge.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Ensambo 26:23

Ebibono ebiwoomerera, omuntu by'ayogera ni bigisa omwoyo omubi gw'ali nagwo, biri ng'oti kiwumbe kya itosi butosi kye baasiigaku feeza.

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Matayo 24:23

“Agho ni bweghabaagho abakoba ati, ‘Bona, Kurisito wuuno’ oba ati, ‘Wuule.’ Mutaikirizanga

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”