Ensambo 26:24 - Baibuli Ekibono kya Katonda 2014

²⁴ Omuguya agisa obukyayi bw'ali nabwo ku mwoyo, ng'ayogera ebiwooyawooya.

Ensambo 26:24 ပူးပေါင်းရင်းမြစ်များ

Amainhama 34:13

Aye batabane ba Yakobo bairamu Shekemu ni ise Hamori nga baguya, kuba Shekemu yali asobiiza ku mwanhinaibwe Dina.

2 Samueli 13:26

Abusalomu yaamukoba ati: “Kale ni nkweghemba omale gaganha muganda wange Amunoni aje n'ife.” Kyabazinga yaamubuuza ati: “Lwaki aidha n'imwe?”

2 Samueli 13:27

Aye Abusalomu yeegayirira kyabazinga okutuusa bwe yaleka Amunoni ni batabane ba kyabazinga abandi boonaboona okuja ni Abusalomu.

2 Samueli 20:9

Yoabu yaabuuza Amasa ati: “Kiri mulaala, muganda wange?” Era yaakozesa omukono gwe omusaadha yaamugema ekirevu, okumunhwegera.

Nehemia 6:2

Saniballati ni Geshemu bampeereza obukwenda nga bakoba bati: “Idha twagaanane mu kyalo ekirala ku ebyo ebiri mu kiketezo eky'oku museetwe ogwetebwa Ono.” Aye nga baali n'ekigendererwa kyaibwe kya kunkola kabi.

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 28:3

Otantwaliza ghalala n'ababi, n'abo abakozi b'ebibi aboogera obukalamu ni banaibwe, ate nga mu myoyo gyaibwe baidhwire enge.

Zabbuli 41:6

Abaidha okumbona, mu kifo ky'okunsaasira boogera biziramu, baidha kubona bwendaaga olwo bafune eky'okughayaku buli ghe baja.

Ensambo 10:18

Ole agisa obukyayi obumuli ku mwoyo aba muguya, ate ole asalagania ebibono ku bandi aba musiru.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 12:17

Omuntu agha obudhulizi obw'amazima aleetagho ensala entuufu, aye ole agha obudhulizi obw'obuguya aleetagho okusaliriza.

Ensambo 12:20

Abo abayiiya okukola ebibi beerimba beene, aye abo abategeka okukola ebirungi bafunamu eisanhu.

Ensambo 12:5

Ebidhuubo eby'omutuufu biba ku kukola mazima, aye eby'omubi byaba ku kuguya.

Ensambo 14:8

Amagezi ag'omutegeevu gamuleetera okumanha eky'okukola, aye obusiru obw'abasiru bubaleetera kwerimba.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Yeremia 9:4

Kale ni omuntu yeekuumenga mwine, era alobenga kwesiga muganda we; kuba muganda wo akwefuulaku, ate era buli muntu ayogera ku baine ebibi.

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”