Ensambo 26:23 - Baibuli Ekibono kya Katonda 2014

²³ Ebibono ebiwoomerera, omuntu by'ayogera ni bigisa omwoyo omubi gw'ali nagwo, biri ng'oti kiwumbe kya itosi butosi kye baasiigaku feeza.

Ensambo 26:23 ပူးပေါင်းရင်းမြစ်များ

Ensambo 10:18

Ole agisa obukyayi obumuli ku mwoyo aba muguya, ate ole asalagania ebibono ku bandi aba musiru.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Ensambo 25:4

Feeza bamala kumukenenulamu iseedha, memale omugheesi yaasobola okumukolamu ekintu ekikalamu.

Ensambo 26:25

Aye ni bw'ayogera ebibono ebiwooma bitya, otamwikirizanga, kuba mu mwoyo gwe mwidhwire ebintu kamaala ebyenhinhalwa.

Ensambo 27:6

Weesigenga mukagwa wo akunenia waire nga by'akuneniamu bikunhiga, se ti kwesiga omuzigu wo akusuutasuuta.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Luka 11:39

Aye Musengwa yaamukoba ati: “Imwe Abafarisaayo, muja mwatukuza ku ngulu okw'ekikopo n'esowaani ate nga munda mwaimwe mwidhwire obukambuzi n'obubi.