Ensambo 25:6 - Baibuli Ekibono kya Katonda 2014

⁶ Oteetanga mberi mu maiso ga kyabazinga, oba okuba mu kifo aghaba abantu abakologho.

Ensambo 25:6 ပူးပေါင်းရင်းမြစ်များ

Zabbuli 131:1

Wo Musengwa Katonda, nze tyekuluntaza, era tyebona nga ndi wa ghaigulu. Timala biseera byange nga neegomba bintu ebikologho bye ntatuukaaniraku, oba ebiswikiriire okutegeera kwange.

Okuvaayo 3:11

Aye Musa yaakoba Katonda ati: “Katyo nze ninze ani, aja ye kyabazinga ow'e Misiri nti mbu kutoola Baisiraeli mu Misiri?”

Ensambo 16:19

Okwewombeeka n'oba aghalala n'abaavu, kuwula okugabana ku munhago ogw'abeekuluntaza.

Ensambo 25:27

Nga bwe kitali kirungi kunhwa mudheenene gwa ndhuki mungi, era kityo bwe kitali kirungi muntu kwenda inho kusaakibwa.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.

Ensambo 25:7

Kiba kikalamu abantu okukukoba bati: “Seeta eno emberi,” okusinga okukuswaza mu maiso ag'omuntu ow'ekitiisa nga bakwiza einhuma.

Ensambo 27:2

Lekanga abantu abandi n'ababe bakusaake ni bwe baba nga bagwira, se ti iwe mwene kwesaaka.

Luka 14:10

Aye bwe bakwetanga ojanga waatyama mu kifo eky'einhuma, kale oyo eyakweta bw'atuuka, yaidha yaakukoba ati, ‘Mukagwa, seeta eno emberi’ olwo ni, olifuna ekitiisa mu boonaboona b'otyaime nabo.

Luka 14:8

“Omuntu yeenayeena bw'akwetanga ku mbaga tiweetyamyanga mu kifo kya kitiisa, tomanha bw'aba ng'ayeseeyo omuntu akusinga ekitiisa

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.