Ensambo 25:4 - Baibuli Ekibono kya Katonda 2014

⁴ Feeza bamala kumukenenulamu iseedha, memale omugheesi yaasobola okumukolamu ekintu ekikalamu.

Ensambo 25:4 ပူးပေါင်းရင်းမြစ်များ

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Ensambo 25:3

Ng'eigulu bwe litweswire ghaigulu mu ibbanga, era ng'entobo y'ensi bw'etweswire ghansi mu itaka, mu nsambo n'endala n'ebidhuubo bya bakyabazinga bityo bwe byeswire okumanha kwaife.

Ensambo 26:23

Ebibono ebiwoomerera, omuntu by'ayogera ni bigisa omwoyo omubi gw'ali nagwo, biri ng'oti kiwumbe kya itosi butosi kye baasiigaku feeza.

Ezekieli 22:18

“Iwe omuntu, Abaisiraeli bafuuse iseedha omuzira mugaso. Bafuuse iseedha eriviiremu feeza n'ekyuma eky'ekikomo, n'eibaati, n'ekyuma ekigumu einho, n'ekyuma ekizitogha einho, oluvainhuma lw'okusaanuusibwa n'okukenenulwa mu muliro.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.