Ensambo 25:28 - Baibuli Ekibono kya Katonda 2014

²⁸ Omuntu ataidhi kwefuga ali ng'oti n'ekibuga ekirumbiibwa ni kirekebwa agho kityo, nga tikikaali na kimante kikyezungulwire.

Ensambo 25:28 ပူးပေါင်းရင်းမြစ်များ

2 Ebyomubyanda 32:5

Agho kyabazinga yaazimba n'omwoyo mulala ekimante eky'oku kibuga ekyali kimenheibwagho, era yaakizimbaku n'ebituuti ebirengererwaku. Yaazimba n'ekimante ekindi kuliya ku ekyo. Yaalongoosa mu Kibuga kya Daudi, ekifo kye baidhuzaamu eitaka olw'okwekuuma abazigu, ekyayetebwanga Millo, kyaba kigumu inho. Yaakola eby'okulwanisa kamaala n'engabo kamaala inho.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 19:18

Kangaivula omwana wo nga ghakaaligho eisuubi ery'okumugolola, otamuleka kuzikirira.

Ensambo 19:19

Omuntu ow'obusungu omuleka yaaguma n'ebizibu ebiva mu busungu bwe, kuba bw'omutoola mu kizibu omukuzi ogusooka, oba oli n'okumutoola ni mu kindi omukuzi ogundi.

Ensambo 22:24

Otakwananga muntu wa busungu, oba okubita n'ole nga mukambwe.

1 Samueli 20:30

Agho obusungu bwa Saulo bwatumbukira ku Yonathani ng'oti muliro, yaamukoba ati: “Iwe omwana w'omukazi omudheemu era omudankaanu, nkiidhi bukalamu nti wasalagho okuba ku luuyi lwa mutabane wa Yesse, weereetera okweswaza iwe mwene era n'okuswaza inhoko.

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”