Ensambo 25:2 - Baibuli Ekibono kya Katonda 2014

² Tugha Katonda ekitiisa olw'ebyo by'atugisa, aye twagha bakyabazinga ekitiisa olw'ebyo bye banoonereza ni bazuula.

Ensambo 25:2 ပူးပေါင်းရင်းမြစ်များ

2 Samueli 1:5

Daudi yaamubuuza ati: “Wamanhie otya nga Saulo ni mutabane we Yonathani, baafiire?”

2 Samueli 14:19

Kyabazinga yaamubuuza ati: “Yoabu ti n'eyakughaire amagezi ago goonagoona?” Omukazi yaamwiramu ati: “Bwenebwene nkulayirira iwe Isebantu kyabazinga, nti mu ekyo ky'okobye muziramu kubuusabuusa naire. Omugheereza wo Yoabu n'eyankobye ebyo byonabyona, era yangalagira nze omwiru wo omukazi bwembe mbikukobe.

Ezera 4:15

oghe ekiragiro banoonereze mu bighandiiko bya badhaadha bo eby'ebyafaayo. Oidha kukizuula mu bighandiiko ebyo nga buliidho ekibuga ekyo kibaire kya bantu badheemu, abakaluubiriza bakyabazinga n'abafuzi ab'ebiketezo. Abantu baamu buliidho babaire bakalangafu inho okubafuga era ekibuga ekyo kye baava ni bakizikiriza.

Ezera 4:19

era naagha ekiragiro baanoonereza, baazuula ng'ab'omu kibuga ekyo kuva ira nga badheemera bakyabazinga, era nga n'okutuusa mpegaano bakeediima.

Ezera 5:17

“Agho ni, Isebantu kyabazinga, bw'oba okisiimye lagira banoonereze mu bighandiiko eby'ebyafaayo eby'obwakyabazinga e Babilonia, babone oba nga bwenebwene kyabazinga Kuro yagha ekiragiro bazimbe buyaaka eisinzizo lya Katonda lino mu Yerusalemu. Era, Isebantu kyabazinga, tukusaba otumanhise ky'onaaba osiimye okukola ku nsonga eyo.”

Ezera 6:1

Agho kyabazinga Dario yaagha ekiragiro banoonereze mu bighandiiko eby'ebyafaayo eby'obwakyabazinga ebyali mu materekero g'ebitabo mu nsi Babilonia.

Yobu 29:16

Nafuuka ise w'abaavu, neekalirisanga ensonga dh'abantu be ntaidhi.

Yobu 38:4

“Wali oli luuyi gha bwe nataagho emisingi gy'ensi? Nkobera, oba nga otegeera inho.

Yobu 40:2

“Onsonsooniiza wanvunaana, mpegaano obwo tondhiremu, onaasirika busirike?”

Yobu 42:3

Obuuziiza oti, ‘Niiwe ani okutakania entegeka yange, ng'oyogera ebyoleka obutamanha?’ Bwenebwene ndhogeire ebintu bye ntategeera, ebinswikiriire era ebiinemye okumanha.

Ensambo 25:27

Nga bwe kitali kirungi kunhwa mudheenene gwa ndhuki mungi, era kityo bwe kitali kirungi muntu kwenda inho kusaakibwa.

Ensambo 25:3

Ng'eigulu bwe litweswire ghaigulu mu ibbanga, era ng'entobo y'ensi bw'etweswire ghansi mu itaka, mu nsambo n'endala n'ebidhuubo bya bakyabazinga bityo bwe byeswire okumanha kwaife.

Omulangirizi 1:13

Neeghaayo n'amagezi gange, naanoonereza era naayagaaza byonabyona ebikolebwa ku nsi. Naabona ng'ebyo byonabyona, n'omulimo omukalangufu ogutasanhusa naire, Katonda gwe yagha abaana ab'abantu okwetawulamu.

Amateeka Agokubiri 29:28

Musengwa Katonda ng'aidhwire obusungu era ng'ali n'ekiruyi ekibitirivu, yabasiguukulula mu nsi yaibwe, yaabasuula mu nsi eyindi n'okutuusa mpegaano.’ ”

Amateeka Agokubiri 29:29

Musa yaayongera okukoba ati: “Ebintu Musengwa Katonda waife by'atatumanhisa, bisigala nga bya kyama. Aye yatumanhisa amateeka ge, ife ni baidhukulu baife, tughange okugakuumanga enaku dhoonadhoona.”