33 Eby'okutendukaku akatono n'eby'okulambaalaku akatono, era n'eby'okuzingira amakono okuwuumulaku,
Omugayaavu mu mirimo aba mubi, okwagayaga n'oyo agyonoona.
Omuntu omugayaavu afuluuta bwa ndoolo ekiseera kyonakyona, era omuntu atayenda kukola yeereetera mwene endhala.
Otagonzanga inho ndoolo, kuba ekyo kisobola okukwavughaza; moganga okole inho, oidha kuba n'emere kamaala.
Bwe nakibona naalowooza inho, era naafunamu eky'okwega kino:
n'ebireetera obwavu okulumba omuntu ng'oti mukambuzi, n'obwetaavu okumweyongeraku ng'oti n'ole omunhazi ali n'ekiisi y'anhazeeku ebibye.
Ng'olwigi bwe lwewuubira ku pata dhaalwo nga luzira ghe luja, n'omugayaavu yeena atyo bwe yeekyukiza mu buliri bwe.
Ghaligho ensambo ekoba eti: Omusiru azingira emikono, okutuusa lw'atuuka okweisa endhala mwene.
Ebyo nga bikaali agho, mwidhi nga esaawa n'eno, ekiseera kituuse imwe okuzuuka mu ndoolo. Kuba mperaano okulokolebwa kwaife kutuli kumpi inho okusinga ghe twainhamira okwikiriza.
Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”