Ensambo 24:28 - Baibuli Ekibono kya Katonda 2014

²⁸ Otaghanga budhulizi ku muntu ng'ozira nsonga ntuufu, era otayogeranga bya buguya.

Ensambo 24:28 ပူးပေါင်းရင်းမြစ်များ

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Zabbuli 35:11

Abadhulizi abaguya basituka bampaama ebintu bye ntaidhiiku naire.

Zabbuli 35:7

Bantega olutuula mu nkweko aghazira nsonga, era baasima ebiina okuntega nga nzira kye mbakoze.

Zabbuli 52:1

Iwe ow'amaani, lwaki weesaaka olw'ebibi by'okola ku abo abatya Katonda? Olunaku lwonalwona

Okuvaayo 20:16

“Mutaghanga ku muntu budhulizi bwa bulimba.

Okuvaayo 23:1

“Otasansaanianga ngambo, era oteeyimbanga na mukozi wa bibi ng'ogha obudhulizi obutali butuufu.

Ensambo 14:5

Omudhulizi omwesigwa talimba, aye atali mwesigwa ayogera bya buguya byereere.

Ensambo 19:5

Omuntu agha obudhulizi obw'obuguya aja kubonerezebwa, era oyo ayogera eby'obulimba azira gh'aliwonera.

Ensambo 19:9

Omuntu agha obudhulizi obw'obuguya aja kubonerezebwa, era oyo ayogera eby'obulimba wa kuzikirira.

Ensambo 21:28

Omuntu agha obudhulizi obw'obuguya aja kuzikirira, aye ole eyeefumintiriza by'awuliire, by'ayogera babiikiriza.

Ensambo 25:18

Omuntu agha ku mwine obudhulizi obw'obulimba, aba wa kabi ng'oti n'omwigo ogw'entole bwe gutentena, oba ng'empiima bw'efumita, oba ng'akalaso bwe kakubitamu.

Ensambo 26:19

n'omuntu alimba mwine n'amala n'amukoba ati: “Mbaire ndi kudhondha” yeena atyo bw'aba.

Abalevi 19:11

“Mutaibanga, mutakupankupanianga, era mutaguyaguyanga.

Abalevi 6:2

“Ekigheebwayo olw'okusasula kinaagheebwangayo, omuntu bw'anaakolanga ekibi mu maiso ga Musengwa Katonda, ng'aloba okwiriza Muisiraeli mwine ekintu kye yamulekera ng'omusingo, oba ng'amunhagaku ekintu, oba ng'amutoolaku ekintu mu kuguyaguya,

Abalevi 6:3

oba ng'aboine ekintu ekyabula yaakyeiriza, era yaalayira ebiziramu ati takibonangaku.

Matayo 27:23

Aye yaabakoba ati: “Lwaki, yakola kibi ki?” Aye bale baakaalaama bukaalaame nga bakoba bati: “Akomererwe ku musalaba.”

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Ab'Efeso 4:25

Agho ni mulekere okuguya buli muntu akobere mwine amazima, kuba tuli bitundu bya mubiri mulala.

Ab'e Kolosai 3:9

Mutasubaghagananga kuba mwalekayo obulamu obw'eira n'ebikolwa byabwo ebibi.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.