Ensambo 24:23 - Baibuli Ekibono kya Katonda 2014

²³ Dhino dhoona ndhogera dha ba magezi: Kiba kibi omuntu okusaliriza ng'ali kusala emisango.

Ensambo 24:23 ပူးပေါင်းရင်းမြစ်များ

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Yobu 13:8

Mutyo bwe munaasaliriza nga mwekubiire ku luuyi lwe, olwo muwoze omusango gwe asinge?

Zabbuli 107:43

Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Ensambo 1:6

Olwo omuntu yaategeera amakulu ag'omunda einho agali mu nsambo, n'amagezi agali mu bikoiko.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ensambo 22:17

Wulirisanga abantu ab'amagezi bye baakoba, era oisengayo inho omwoyo ku bye nkwegeresa.

Ensambo 28:21

Omuntu okusaliriza kiba kibi, aye abantu bakikola olw'okufuna ke banaalya ni bwekaba katono katya.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Yoanne 7:24

Mutasalanga musango nga mujiira ku bya ku ngulu, aye musalenga nga mujiira ku kituufu.”

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.