Ensambo 24:14 - Baibuli Ekibono kya Katonda 2014

¹⁴ manha oti n'amagezi goona gatyo bwe gali amalungi y'oli. Bw'ogafuna, obulamu bwo obw'omu maiso, bwidha kubanga bukalamu, n'ebyo by'osuubira birobenga kukufa busa.

Ensambo 24:14 ပူးပေါင်းရင်းမြစ်များ

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Ensambo 16:24

Ebibono ebirungi bidhuudhuula ng'oti mudheenene, biizaamu amaani by'aleeta n'obulamu mu mubiri.

Ensambo 2:10

Oidha kubanga mugezi, era okumanha kwidha kukusangaazanga.

Ensambo 22:18

Kuba bw'obigema ku mwoyo oidha kubanga musangaavu, era nga bikuli ku munwa ekiseera kyonakyona.

Ensambo 23:18

Olwo obulamu bwo obw'omu maiso bubenga bukalamu, n'ebyo by'osuubira birobenga kukufa busa.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Matayo 19:21

Yesu yaamukoba ati: “Oba ng'oyenda okuba atuukiriire, ja otane ebibyo, oghe abaavu, era oidhe onnonereze, obukombe oliba nabwo mu igulu.”

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.