Ensambo 23:35 - Baibuli Ekibono kya Katonda 2014

³⁵ Agho waakoba oti: “Bankonse aye tibaanoziiza! Bankubye aye tiwuliire bulumi. Oba nnaasituka li nfuneyo ogundi nhweku kabiri?”

Ensambo 23:35 ပူးပေါင်းရင်းမြစ်များ

Ensambo 23:34

Era waawulira ng'oti ogalaamiriire ku maadhi mu nhandha, era waawulira akantoolooze ng'oti oli kwewuubira ghaigulu ku mulongooti.

Ensambo 26:11

Omusiru airamu okukola eby'ekisiru omukuzi ogundi, aba ng'oti n'embwa emala n'erya by'eseseime.

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Yeremia 31:18

Mpulira ab'omu Isiraeli abalira nga banakughaire, bati, ‘Wo Musengwa Katonda, twalinga ng'oti n'ensolo edhitafugibwangaku, aye iwe waatwegeresa okukugondera. Ganha otwize y'oli, kuba niiwe Musengwa Katonda waife.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Ab'Efeso 4:19

Tibakaali na nsoni beemaliire mu bya budankaanu, balulunkanira okukola ebibi ebya buli nsambo.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

2 Petero 2:22

Ebyabatuukaku byakakasa endhogera ekoba eti: “Embwa by'esesema emala yaabirya!” N'eno ekoba eti: “Bw'onaaza embiidhi, emala yaira mu bisoodo.”