Ensambo 23:34 - Baibuli Ekibono kya Katonda 2014

³⁴ Era waawulira ng'oti ogalaamiriire ku maadhi mu nhandha, era waawulira akantoolooze ng'oti oli kwewuubira ghaigulu ku mulongooti.

Ensambo 23:34 ပူးပေါင်းရင်းမြစ်များ

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

Okuvaayo 15:8

Wafuuwa omuuka okuva mu nhindo yo amaadhi geebunga emungo, amaadhi amangi gaayemerera ng'oti kimante; amaadhi ag'oku ntobo ey'enhandha geegema, gaakalanguka ng'oti ibaale.

Ensambo 23:33

Olwo waatoolera okubona ebintu ebitategeerekeka, era nga toghanga kulowooza oba kwogera bukalamu.

Ensambo 23:35

Agho waakoba oti: “Bankonse aye tibaanoziiza! Bankubye aye tiwuliire bulumi. Oba nnaasituka li nfuneyo ogundi nhweku kabiri?”

Ensambo 31:4

Lemueli, bakyabazinga tibagwaniire kunhwa inho mwenge, oba okutwalirizibwa einho ebitamiiza ebika.

Yoeli 1:5

Imwe abatamiivu, muzuuke mulire amaziga; muwowoole imwe abanhwa omwenge; kuba emizabbibu mwe bakola omwenge ogubawoomera gizikiriziibwa!

Matayo 24:38

Nga bwe kyali mu nnaku edho edhaakulembera amaadhi ag'omwidhuzo, abantu baali mu kulya na kunhwa, kubayiza na kubayira, okutuusa olunaku Noa lwe yangira mu lyato.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.