Ensambo 23:31 - Baibuli Ekibono kya Katonda 2014

³¹ Otaganhanga mwenge kukusendasenda, ng'oli kubona gumyuse bukalamu, nga guli kumesunkana mu giraasi, era nga gughegheeza gha mamiro ng'ogunhwa.

Ensambo 23:31 ပူးပေါင်းရင်းမြစ်များ

2 Samueli 11:2

Lwali lulala eiguloigulo, Daudi yaasituka yaava ku buliri bwe ng'amaze okulambaala okuwuumulaku, yaatambulatambula ghaigulu ku ngulu okw'endhu ye. Ng'ali eyo ghaigulu yaalengera omukazi ali kunaaba, ng'aboneka bulungi inho.

Yobu 33:1

“Mpegaano ni Yobu, wulira bye nja okwogera; wulirisa ebibono byange byonabyona.

Zabbuli 119:37

Nkyusa nve ku bintu ebiziramu muganhulo; ombeere okwebisa nga bw'oyenda.

Ensambo 6:25

Otamwegwanizanga mu mwoyo gwo olw'obulungi obw'emboneka ye, era otatwalirizibwanga lwa mmoga ye.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Mariko 9:47

“Era oba nga eriiso lyo likusendasenda okwona, litoolemu ongire mu Bwakyabazinga bwa Katonda n'eriiso irala, okusinga okuba n'amaiso abiri waasuulibwa mu geyeena

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.