Ensambo 23:10 - Baibuli Ekibono kya Katonda 2014

¹⁰ Otakyusanga mbibi ey'eira, oba okutoola eitaka lya bamulekwa

Ensambo 23:10 ပူးပေါင်းရင်းမြစ်များ

Yobu 22:9

Banamwandu wabeebingaku nga tobaghaire kantu; waalumyanga bamulekwa ng'obanhagaku ebyaibwe.

Yobu 24:9

Ghaligho abantu ababi abaswankula abaana abaziraku baiseibwe, baabatoola ku bainhaibwe, baatwala abaana abo ab'abaavu ng'omusingo gw'eibandha.

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Zabbuli 94:6

Baita banamwandu ni bamulekwa, era baatemula abasenze be tusenza mu nsi yaife.

Okuvaayo 22:22

“Otabisanga bubi namwandu oba mulekwa.

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Ensambo 22:28

Otakyusanga ensalosalo ey'eira, kugitoola badhaadha bo ghe baagita.

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 7:5

“Mulongoose empisa dhaimwe n'ebikolwa byaimwe. Mukolenga ebituufu mu nkolagana ni banaimwe.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Zekaria 7:10

Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Amateeka Agokubiri 19:14

Musa yaakoba Abaisiraeli ati: “Nga muli mu nsi Musengwa Katonda waimwe y'ali kubagha okutwala ebe obutaka bwaimwe, mutakyusanga mbibi dha bibandha bya baliraanwa baimwe, edhaamala eira okusimbibwa abantu abaabasookamu.”

Amateeka Agokubiri 27:17

“ ‘Omuntu yeenayeena anaakyusanga embibi edh'ekibandha kya muliraanwa we, akolimirwenga! “Olwo abantu boonaboona baliiramu bati, ‘Amiina.’

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.