Ensambo 22:5 - Baibuli Ekibono kya Katonda 2014

⁵ Amawa n'emitego biba mu ngira ey'ababi, aye ole ayenda okwekuuma nga mulamu abyesambira irala.

Ensambo 22:5 ပူးပေါင်းရင်းမြစ်များ

Yobu 18:8

Ebigere bye bimutunze, yeeswire mwene mu mutego.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Ensambo 13:15

Omuntu ali n'okutetenkania, abantu bamwenda, aye ole ateesigika azikirira.

Ensambo 13:3

Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Ensambo 15:19

Obulamu obw'omugayaavu bwidhula bizibu, aye obw'omwesimbu buba bukalamu era nga bweyagaza.

Ensambo 16:17

Abantu abeesimbu beekuuma obutagwa mu kibi; abo abeegendereza bakuuma obulamu bwaibwe.

Ensambo 19:16

Omuntu agondera ebiragiro akuuma obulamu bwe, aye ole abinhooma obunhoome wa kufa.

Ensambo 22:4

Abantu abawombeefu era abatya Musengwa Katonda, bafuna obukombe n'ekitiibwa n'obughangaazi.

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.