Ensambo 21:24 - Baibuli Ekibono kya Katonda 2014

²⁴ Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Ensambo 21:24 ပူးပေါင်းရင်းမြစ်များ

Zabbuli 1:1

Wa nkabi oyo atawulirisa magezi ga babi, era atajiira ku boonooni waire okweyimba n'abo abanhooma Katonda.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 18:12

Okwekuluntaza n'okukulembera okuzikirira, aye okwewombeeka n'okusooka memale omuntu baamutaamu ekinhagansi.

Ensambo 19:29

Abanhoomi tibaliwona kusalirwa musango kubasinga, n'abasiru tibaliwona kukubwa.

Ensambo 24:9

Omusiru by'ategeka okukola byonabyona, bivaamu bibi byereere, era abantu bakyayira irala omuntu omunhoomi.

Ensambo 3:34

Anhooma abo abeekuluntaza, aye abawombeefu abagemerwa ekivunika.

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 29:20

Abantu abakambwe balimalibwagho, abo abeekuluntaza baakomezebwa, n'abo boonaboona abanhumirwa okukola ebibi baazikirizibwa.

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.