Ensambo 21:20 - Baibuli Ekibono kya Katonda 2014

²⁰ Abagezi baba n'omuzigo n'eby'obukombe ebindi kamaala era n'amasavu, aye abasiru babimalagho bumale byonabyona.

Ensambo 21:20 ပူးပေါင်းရင်းမြစ်များ

Yobu 20:15

Asesema obukombe bwe yaiba, Katonda yaabumutoola mu nda.

Yobu 20:18

Alighaayo bye yakolerera byonabyona, yaaloba kubyeyagaliramu amagoba ge yafuna mu bye yakola taligeesiimiramu,

Zabbuli 112:3

Ab'omu maka ge baba bafuni nga bakombe, era wa kusiimibwanga Katonda ebyanda n'ebyanda.

Zabbuli 23:5

Ontegekera embaga wantyamya, ng'abazigu bange babona. Wanfuula omugeni ow'ekitiisa ng'onsiiga omuzigo ogw'akawoowo, wampa eby'okunhwa okutuusa ku nkooye.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 15:6

Mu ndhu edh'abatuufu mubaamu eby'obukombe kamaala, aye ababi bye bafuna tibabifunamu kalungi naire.

Ensambo 22:4

Abantu abawombeefu era abatya Musengwa Katonda, bafuna obukombe n'ekitiibwa n'obughangaazi.

Ensambo 8:21

Mpa abo abangonza obukombe, naidhuza endhu dhaibwe ebintu eby'omughendo.”

Omulangirizi 10:19

Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Omulangirizi 5:19

Katonda n'agha omuntu obukombe obw'okuba n'ebintu, era yaamugha n'okweyagalira mu bintu ebyo, ng'omugabo gwe Katonda oyo gwe yamutegekera oguva mu kufaabiikana kwe. Ekyo kiba kirabo ekiva eri Katonda.

Omulangirizi 7:11

Amagezi malungi gali ng'oti kufuna bya busika, gali n'omuganhulo eri boonaboona abali ku nsi;

Yeremia 41:8

Aye mu abo mwalimu abasaadha ikumi abaakoba Ishimaeli bati: “Tukweghembye otatwita! Tuli n'engaano, ni sayiri, n'omuzigo ogw'ebibala eby'emiti emyoliva, n'omudheenene ogw'endhuki, era twabikwese mu nimiro.” Kale abo yaabaleka, yaaloba kubaita.

Matayo 25:8

Abasiru baakoba abagezi bati, ‘Mutughe ku mafuta gaimwe, kuba amataala gaife gali kuzikira.’

Luka 15:14

Ng'amaze okumalagho byonabyona bye yali nabyo, endhala ey'amaani yaagwa mu nsi eyo, yaatoolera okuluga.

Luka 16:1

Yesu era yaakoba Abeegeresebwa be ati: “Ghaaligho omuntu omukombe eyali n'omughanika we, baamumuseeghera bati ayonoona ebintu bye.

Luka 6:45

Omuntu omulungi atoola ku birungi ebiri mu mwoyo gwe yaakola ebirungi, ate omuntu omubi atoola ku bibi ebiri mu mwoyo gwe yaakola ebibi kuba ku biidhwire mu mwoyo omunwa gwe kwe gutoola bye gwogera.