Ensambo 20:9 - Baibuli Ekibono kya Katonda 2014

⁹ Naani aghanga okukoba ati: “Nnaaziiza omwoyo gwange, buti nzira kibi kyonakyona.”

Ensambo 20:9 ပူးပေါင်းရင်းမြစ်များ

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Ebyomubyanda 6:36

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Ab'e Roma 3:9

Kale ife Abayudaaya tuli ni kye tusinga abamaghanga agandi? Busa, tuzira kye tubasinga kuba mmaze okubalaga nti Abayudaaya n'abamaghanga agandi boonaboona bafugibwa ekibi,

1 Ab'e Korintho 4:4

Nze tiidhi ng'eriyo ekibi kye naali nkoze, aye ekyo tikitegeeza nti nziraku musango. Musengwa n'asalagho.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.