Ensambo 20:6 - Baibuli Ekibono kya Katonda 2014

⁶ Abantu kamaala beesuuta okuba ab'ekisa, aye omwesigwa naani asobola okumuzuula?

Ensambo 20:6 ပူးပေါင်းရင်းမြစ်များ

Zabbuli 12:1

Wo Musengwa Katonda, tubeere otuwonie, kuba tighakaaligho bantu bakaakutya iwe, waire okubaagho abakaakwesiga.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Ensambo 20:5

Omuntu by'alowooza biba ng'oti maadhi agaba mu nsulo endeeyi, aye omuntu ali n'okutetenkania aghanga okugasenayo.

Ensambo 25:14

Omuntu asuubiza ekirabo aye n'atakigha, ali ng'oti bire na mpewo ebitavaamu maadhi ni gagwa.

Ensambo 27:2

Lekanga abantu abandi n'ababe bakusaake ni bwe baba nga bagwira, se ti iwe mwene kwesaaka.

Omulangirizi 7:28

Ekintu kye mbairenga nnoonerezaaku emikuzi kamaala, aye nga nkaali kukizuula, ni kino: Mu bantu olukumi nazuulamu omusaadha mulala yenka omukalamu, aye mu bantu abo boonaboona tyazuulamu mukazi naire mulala ati.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Matayo 6:2

“Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Luka 18:11

Omufarisaayo yaayemerera yaasaba mu mwoyo gwe ati, ‘Katonda wange nkwebaza, kuba tiri ng'oti n'abantu abandi, abanhazi, abazira mazima, abenzi era tiri ng'oti n'omughooza w'omusolo oyo.

Luka 18:28

Agho Petero yaamukoba ati: “Kale ife, twaleka ebyaife twakunonereza.”

Luka 18:8

Ka mbakobere: Aja kubatawulula, ate mangu. Aye Omwana w'Omuntu bw'aliidha, alyagaana okwikiriza ku nsi?”

Luka 22:33

Petero yaamwiramu ati: “Musengwa, ndi mwetegefu okusibibwa era n'okufiira aghalala n'iwe.”

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

2 Ab'e Korintho 12:11

Ndi oti musiru aye niimwe mundeeteire okuba ntyo, kuba mbaire ngwaniire okusaakibwa imwe. Waire tiri kintu, abo be mweta okuba abatume abakulu einho ghazira ni kye bansingamu naire.