Ensambo 20:22 - Baibuli Ekibono kya Katonda 2014

²² Oteesasuuzanga muntu akukoze kibi, aye weesigenga bwa Musengwa Katonda aidha kukuyambanga.

Ensambo 20:22 ပူးပေါင်းရင်းမြစ်များ

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 37:34

Weesige Musengwa Katonda okolenga nga bw'alagira, aja kukugha ekitiisa otwale ensi, era obone ng'ababi bawaagho.

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Ensambo 17:13

Akabi tikaliva mu ndhu y'oyo asasulamu mwine ekibi ng'amukoleire ekirungi.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Ensambo 20:21

Obukombe omuntu bw'asikira obusikire nga tabukolereire, tibutera kubangamu mukisa ku nkomerero.

Ensambo 24:29

Otakobanga oti: “Ky'ankoze zeena kye ndimukola; ndimwesasuuza olw'ekyo ky'ankoze.”

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Matayo 5:39

Aye nze mbakoba nti: Mutatakanianga mubi era ole bw'akukubanga ku itama ery'omukono omusaadha omugaluliranga n'erindi.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

1 Ab'e Thessalonika 5:15

Ghatabangagho mu imwe eyeesasuuza ng'akoleibwa ekibi, aye buliidho buli muntu afubenga okukolera mwine obukalamu, era n'okukoleranga obukalamu abantu boonaboona.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Petero 4:19

Kale ni abo abadaazibwadaazibwa nga Katonda bw'ayenda bakolenga bukalamu, bagemye Omutonzi waibwe oyo omwesigwa emyoyo gyaibwe.

1 Samueli 25:13

Daudi yaakoba abasaadha be ati: “Buli muntu yeesibe empiima ye.” Agho buli muntu yeesiba empiima ye. Daudi yeena yeesiba eyiye. Abantu ng'oti ebikumi bina baanonereza Daudi oyo, ate ebikumi ebibiri baasigala okukuuma ebintu ebikozesebwa.