Ensambo 20:21 - Baibuli Ekibono kya Katonda 2014

²¹ Obukombe omuntu bw'asikira obusikire nga tabukolereire, tibutera kubangamu mukisa ku nkomerero.

Ensambo 20:21 ပူးပေါင်းရင်းမြစ်များ

Ensambo 13:22

Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Ensambo 20:20

Omuntu akolimira ise oba inhina, obulamu bwe bulikoma ng'oti n'entaala ezikiziibwa mu nzikiiza eri bedimudimu.

Ensambo 20:22

Oteesasuuzanga muntu akukoze kibi, aye weesigenga bwa Musengwa Katonda aidha kukuyambanga.

Ensambo 21:6

Eby'obukombe ebifunibwa mu kukupankupania bibita bubite ng'oti mpewo, ole bw'abinoonia aba anoonia kufa.

Ensambo 23:4

Oteekanulanga olw'okwenda okufuna obukombe, banga mugezi ng'obalirira obulamu bwo.

Ensambo 28:20

Omuntu omwesigwa aidha kubanga n'enkabi kamaala, aye ole afuna obukombe obw'amangu aidha kubonerezebwanga.

Ensambo 28:22

Omuntu omukenge agwidhubanira okufuna okukombaghala, nga taidhi ng'obwavu bulimwidhira.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Habakkuku 2:6

Aye abantu abo abaghangulwa baja kuyeeyereza abo ababaghangula, era babanhoome nga babakoba bati: “Mukagwireku! Mubaire munhaganga ebitali byaimwe era mwebungaku emisingo gy'abo be muwola. Aye ebyo muja kubirekera li?”

Zekaria 5:4

Musengwa Katonda Afuga Amagye akoba ati alisindika ekikolimo ekyo kyangira mu ndhu dh'abaibi, ni mu ndhu dh'abo abanaalayiranga eby'okusubagha mu liina lya Musengwa Katonda. Era ekikolimo ekyo kiriba mu ndhu edho kyadhisaaniagho okudhimaliriragho.”

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

1 Timotheo 6:9

Aye abo abenda okukombaghala tibalwa kukemebwa ni bagwa mu mutego ogw'amairu amangi ag'obusirusiru, ag'akabi era agasuula abantu mu kufafaagana ni mu kuzikirira.