Ensambo 20:15 - Baibuli Ekibono kya Katonda 2014

¹⁵ Eriyo zaabu era yaabaayo n'amabaale ag'omughendo kamaala; aye omuntu ayogera eby'amagezi wa mughendo inho okuwulagho.

Ensambo 20:15 ပူးပေါင်းရင်းမြစ်များ

Ensambo 15:23

Okwiramu ekituufu kusanhusa omuntu, era ekibono ekyogerwa mu kiseera ekigwaine kiba kirungi inho.

Ensambo 15:7

Abagezi bye boogera bibunisa okumanha mu bantu, aye abasiru tibakola batyo.

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Ensambo 16:21

Omuntu omugezi bamweta mutegeevu, era olw'ebibono bye ebikalamu aikirizisa abantu.

Ensambo 16:24

Ebibono ebirungi bidhuudhuula ng'oti mudheenene, biizaamu amaani by'aleeta n'obulamu mu mubiri.

Ensambo 20:14

Omuguzi akaayana ng'ayenda okwisa ku mighendo egy'ekintu ky'ali kulamuza; aye bw'amala okugula, aja nga yeesuuta nga bw'adondoire.

Ensambo 20:16

Ole eyeeyimirira omuntu y'ataidhi, ali n'okutoolebwaku ekintu ky'asinzeegho, okukakasa ng'eibandha liidha kusasulwa.

Ensambo 25:12

Ow'amagezi by'agalagira omuntu eyeetegeike okuwulirisa, biba bya mughendo okuwula empeta ya zaabu n'ebintu ebyakolebwa mu mabaale ga zaabu.

Ensambo 3:15

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.

Ensambo 5:2

olwo oidha kusalangagho ekigwaine okukolebwa, n'omunwa gwo gwogerenga eby'amagezi.

Ensambo 8:10

Mwendenga bye ndhegeresa mu kifo ky'okwenda feeza, era mugonzenga okumanha mu kifo ky'okugonza zaabu omukenenule.

Ensambo 8:11

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.”

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.