Ensambo 19:27 - Baibuli Ekibono kya Katonda 2014

²⁷ Mwana wange, bw'olekera okuwulirisa bye nkugalagira, oidha kwerabira ni bye wali oidhi.

Ensambo 19:27 ပူးပေါင်းရင်းမြစ်များ

2 Samueli 13:5

Yonadabu yaamukoba ati: “Lambaala ku buliri bwo weefuule okuba omulwaire. Lata waimwe bw'anaidha okukubona, oidha kumukoba oti, ‘Nkusaba, mwanhinaze Tamari aidhe ampe ku mere ndyeku. Nhenda aidhe afumbire ghano ghe ndi nga mmubona, andeetere emere ghano mwene mu ngalo dhe, ndye.’ ”

2 Ebyomubyanda 10:10

Agho abaisuka abo baamukoba bati: “Abantu abo abakukobye bati, ‘Lata wo yatukaluubiriza inho n'ekikoligo ekizito, yaatukozesa emirimo emizito, aye iwe tukendeezeeku ku buzito obwo,’ bakobe oti, ‘Akaala kange akansubi, kanene okusinga enkende ya lata wange.

Ensambo 14:7

Tobanga mu basiru, kuba ozirayo kya magezi ky'obafunamu.

Ensambo 19:26

Omuntu atuntuza ise era n'abinga inhina ghaka, aba yeebisiisa mu nsambo eswaza era anhoomebwa.

Ensambo 19:28

Omuntu agha obudhulizi obw'obuguya anhooma ensala entuufu ey'omusango, era omuntu omubi awoomerwa okukola ebibi ng'oti bwa mere.

Yeremia 27:9

Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Matayo 16:12

Agho ni baategeera bati takobye kwegendereza kizimbulukusa kya migaati, aye ebyegeresebwa Abafarisaayo n'Abasaddukaayo.

Matayo 16:6

“Mwekuume era mwegendereze ekizimbulukusa eky'Abafarisaayo n'Abasaddukaayo!”

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Mariko 4:24

Ekindi, yaabakoba ati: “Mwegendereze bye muwulira, ekigero ky'ogerera abandi weena ky'oligererwa, ate n'okwongerwa kiryongerwaku;

Yoanne 10:5

Oyo ye dhitaidhi ti dhimunonereza, dhimulumuka kuba tidhiidhi mamiro ge.”

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

2 Yoanne 1:10

Omuntu yeenayeena bw'aidhanga ye muli ng'aleeta endhegeresa etali eno, mutamusangaazanga mu maka gaimwe era mutamulamusanga.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.