Ensambo 19:25 - Baibuli Ekibono kya Katonda 2014

²⁵ Omunhoomi ali n'okubonerezebwa, olwo abazira magezi basobole okwega; era bw'onenia omutegeevu yeeyongeraku okutegeera.

Ensambo 19:25 ပူးပေါင်းရင်းမြစ်များ

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Ensambo 1:5

Omugezi bw'adhiwulira yeeyongera okwega era omutegeevu yaafuna okulambibwa.

Ensambo 15:5

Omusiru anhooma abazaire be bye bamugalagira, aye ole aganha okunenezebwa aba mutegeevu.

Ensambo 17:10

Omuntu ategeera omunenia lulala yaayega, aye omusiru ni bw'omukuba emikuzi ekikumi ghazira ky'ayega.

Ensambo 21:11

Omunhoomi bwe bamubonereza, olwo n'ole azira magezi ayega; aye omugezi bwe bamugalagira yeeyongera bwa kumanha.

Ensambo 9:7

Ole bw'alamba omuntu eyeekuluntaza yeereetera mwene ebivumo, ole anenia omukozi ow'ebibi yeerumiriza mwene.

Amateeka Agokubiri 13:11

Agho Abaisiraeli boonaboona bwe banaawuliranga ekibairegho, baidha kutyanga. Olwo ghalobe kubaagho muntu wundi mu imwe airayo kukola kibi kyaga agho.

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.