Ensambo 19:23 - Baibuli Ekibono kya Katonda 2014

²³ Okutya Musengwa Katonda kuleetera omuntu obulamu, yaaba bukalamu ng'ali miraala, ghaabulagho akabi akamutuukaku naire.

Ensambo 19:23 ပူးပေါင်းရင်းမြစ်များ

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 19:9

Okutya Musengwa Katonda kulungi; era kuligho ebyanda n'ebyanda. Okusala omusango okwa Musengwa Katonda tikubaamu kwekubira; era kuba kutuufu buliidho.

Zabbuli 25:13

Mwene anaabanga n'ebirungi kamaala, ate abaana be n'abaidhukulu balitwala ensi.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Zabbuli 90:14

Twidhuzenga okugonza kwo okutakoma buli nkyo, olwo tusobole okusagambanga nga tuli basangaavu obulamu bwaife bwonabwona.

Zabbuli 91:10

ghazira kibi kija kukutuukaku, waire ekiinoino kyonakyona okuseeta okumpi n'endhu yo;

Zabbuli 91:16

Ndidha kumughangaaza inho era mmulokole.”

Ensambo 10:27

Okutya Musengwa Katonda kuleetera omuntu okughangaala, aye emyaka egy'ababi gisalibwaku.

Ensambo 11:19

Ole eyeekalangulira ku butuufu aghangaala, aye ole ajiira ku kukola ebibi yeita mwene.

Ensambo 12:21

Akabi tikagwira mutuufu, aye ababi baba mu bizibu buli kiseera.

Ensambo 19:22

Obwesigwa n'obuleetera omuntu okwendebwa, era omwavu awula omuguya.

Ensambo 22:4

Abantu abawombeefu era abatya Musengwa Katonda, bafuna obukombe n'ekitiibwa n'obughangaazi.

Ensambo 3:24

Bw'onalambaalanga tighaabengagho kikutiisa, era bw'onaatendukanga oidha kuwomerwanga endoolo dho.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 5:6

Ba nkabi abalumwa endhala n'endiwo ey'okukola ebituufu, kuba baliigusibwa.

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

2 Timotheo 4:18

Era Musengwa oyo aidha kumponia kiisi kibi kyonakyona, antuuse bukalamu mu Bwakyabazinga bwe obw'omu igulu. Agheebwenga ekitiisa ebyanda n'ebyanda. Amiina.