Ensambo 19:21 - Baibuli Ekibono kya Katonda 2014

²¹ Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Ensambo 19:21 ပူးပေါင်းရင်းမြစ်များ

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Zabbuli 21:11

Waire bategeka okumukola akabi oba okuyiiya ngeri y'okumutegamu, entegeka dhaibwe tidhirituukirira;

Zabbuli 83:4

Bakoba bati: “Ka tumalegho eighanga lya Isiraeli, ghabule aidhukira nga ghaalighooku eighanga eryetebwa Isiraeli.”

Ensambo 12:2

Omuntu omulungi asiimibwa Musengwa Katonda, aye ole ali n'entegeka edh'okukola ebibi amusalira omusango gwamusinga.

Ensambo 16:1

Omuntu ategeka by'anaakola mu mwoyo gwe, aye Musengwa Katonda n'asalagho eky'okukola.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Ensambo 19:22

Obwesigwa n'obuleetera omuntu okwendebwa, era omwavu awula omuguya.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Omulangirizi 7:29

Era bona n'ekindi kye nazuula: Katonda yakola abantu nga balungi, aye beene baaja nga beeyonoona.

Isaia 14:24

Musengwa Katonda Afuga Amagye yeerayiriire ati: “Bwenebwene nga bwe ntegeike okukola, era bwe kiidha okuba; nga bwe nsazeegho, era bwe kiidha okukolebwa.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Ezekieli 20:32

Ni bwekiba ekyo kye mulowooza mbu mwenda mube ng'abamaghanga agandi n'abantu ab'omu nsi edhindi, musinze emiti n'amabaale, tikija kubaagho naire.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.