Ensambo 19:20 - Baibuli Ekibono kya Katonda 2014

²⁰ Bw'owulirisa amagezi agakugheebwa era n'oganha okugalagirwa, olwo olifuna amagezi mu biseera eby'omu maiso.

Ensambo 19:20 ပူးပေါင်းရင်းမြစ်များ

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Zabbuli 90:12

Tukusaba otwegerese okumanha obulamu bwaife nga bwe buli obumpi, tusobole okufuna amagezi.

Zabbuli 90:14

Twidhuzenga okugonza kwo okutakoma buli nkyo, olwo tusobole okusagambanga nga tuli basangaavu obulamu bwaife bwonabwona.

Ensambo 1:2

Ensambo dhino dhiyamba omuntu okufunamu amagezi, n'okugalagirwa, n'okutegeera amakulu ag'omunda einho.

Ensambo 1:3

Dheegeresa omuntu okwebisa obukalamu, okukola ebisiimya Katonda, okusala mu butuufu, n'obutasaliriza.

Ensambo 1:8

Mwana wange, owulirisanga inho lata wo by'akugalagira, era otavanga ku inhoko by'akwegeresa;

Ensambo 12:15

Omusiru buli ky'akola alowooza nga n'ekituufu, aye omugezi awulirisa bye bamugalagira.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Ensambo 15:32

Ole aloba okugalagirwa yeefiiriza mwene, aye ole aganha okunenezebwa afuuka mutegeevu.

Ensambo 19:19

Omuntu ow'obusungu omuleka yaaguma n'ebizibu ebiva mu busungu bwe, kuba bw'omutoola mu kizibu omukuzi ogusooka, oba oli n'okumutoola ni mu kindi omukuzi ogundi.

Ensambo 4:1

Baana bange, muwulirisenga inho nze omuzaire waimwe bye mbagalagira, era mwetegerezenga inho mughange okuba n'okutegeera.

Ensambo 8:14

Ninze agha abantu amagezi ni bakola ebikalamu. Ntegeera era ndi n'amaani.

Ensambo 8:33

Muwulirisenga bye mbagalagira mube bagezi, mutabigayaaliranga.

Yeremia 6:8

Imwe ab'e Yerusalemu, mweizeemu ku magezi, oba ti n'ekyo ndidha kubalekulira agho, n'ekibuga kyaimwe kisigale agho kityo nga kiri bwa bifulukwa byereere, era nga kiziramu muntu waire.”

Zefania 3:7

Naadhuuba nti abantu bange banantya era baaganha okugololwa ensobi dhaibwe. Era naadhuuba nti tibaidha kwerabira ebyo byonabyona bye nababonerezaamu. Aye beeyongera bweyongere okukola ebikolwa ebibi.”

Okubala 23:10

Naani asobola okubala baidhukulu ba Yakobo abangi ng'oti bwa nkungu? Oba naani asobola okumanha omughendo oguli mu kitundu obutundu ekirala ku buli bitundu ebina eby'Abaisiraeli abo? Leka nfe ng'abatuufu bwe bafa, leka enkomerero yange ebe ng'ey'abatya Katonda abo bw'eba!”

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.