Ensambo 19:17 - Baibuli Ekibono kya Katonda 2014

¹⁷ Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 19:17 ပူးပေါင်းရင်းမြစ်များ

2 Samueli 12:6

Era ateekwa okuliyira omwavu oyo entaama ina, olw'akataama ke akato ako kuba ekyo kye yakola yakikola ng'azira kusaasira.”

Zabbuli 41:2

Musengwa Katonda aidha kumukuuma nga mulamu, aidha kwetebwanga wa nkabi mu nsi. Musengwa Katonda talimulekulira agho bazigu be kumukola nga bwe benda.

Zabbuli 72:13

Agemerwa abanafu n'abaavu ekivunika, yaawonia obulamu bw'abanaku okuzikirira.

Ensambo 12:14

Omuntu mu by'ayogera mw'afuna ebirungi, era mu by'akola mw'afuna empeera.

Ensambo 14:21

Ole anhooma muntu mwine aba akoze kibi, aye wa nkabi oyo agemerwa omwavu ekivunika.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 22:9

Wa nkabi oyo omugabi, kuba agha abaavu ku mere ye.

Ensambo 28:27

Omuntu agabira abaavu taja kwavughalanga, aye ole ababona n'atabafaaku alikolimirwa inho.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Omulangirizi 11:1

Banga mugabi, osuulenga emere yo ku maadhi, nga ghabiseegho ekiseera eidha kukwirizibwanga.

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Luka 6:38

Mugabenga, era mwena muligheebwa. Ekipimo ekituufu ekitengeeseibwa ni kisiinhirwa, ni kiidhula era n'okuyuyika ni kiyuyika, kye balibagemya; kuba ekipimo kye mupimiramu abandi mwena kye mulipimirwamu.”

Amateeka Agokubiri 24:19

“Bwe munaakungulanga ebirime byaimwe, aye ni mwerabirayo ekinhwa ky'engaano mu misiri, mutairangayo kukitoolayo. Ekyo mwidha kukirekeranga abasenze, ni bamulekwa, ni banamwandu. Olwo Musengwa Katonda waimwe aghange okubaghanga enkabi mu byonabyona bye munaakolanga.

Ab'e Filippi 4:17

Ekigendererwa kyange ti kya kufuna bwa birabo aye kya kubona ng'ebikalamu bye mukoze byeyongeraku obungi.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.