Ensambo 19:16 - Baibuli Ekibono kya Katonda 2014

¹⁶ Omuntu agondera ebiragiro akuuma obulamu bwe, aye ole abinhooma obunhoome wa kufa.

Ensambo 19:16 ပူးပေါင်းရင်းမြစ်များ

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Zabbuli 103:18

era yaabwoleka abo abakuuma endagaano, ni bagumira ku biragiro bye.

Ensambo 13:13

Ole anhooma okugalagirwa yeereetera mwene okuzikirira, aye ole agondera ekiragiro aligheebwa empeera.

Ensambo 15:32

Ole aloba okugalagirwa yeefiiriza mwene, aye ole aganha okunenezebwa afuuka mutegeevu.

Ensambo 16:17

Abantu abeesimbu beekuuma obutagwa mu kibi; abo abeegendereza bakuuma obulamu bwaibwe.

Ensambo 21:16

Omuntu adaaliima n'awaamu amagezi, alyeyagaana ng'ali mu bafu.

Ensambo 21:23

Omuntu eyeekuuma n'atayogerayogera eyo atyo, aba yeekuuma bizibu butamutuukaku.

Ensambo 22:5

Amawa n'emitego biba mu ngira ey'ababi, aye ole ayenda okwekuuma nga mulamu abyesambira irala.

Ensambo 29:18

Bwe ghabula okugalaga okuva ye Katonda abantu bataamuuka eyo batyo, aye wa nkabi oyo ajiira ku mateeka ga Katonda.

Ensambo 3:1

Mwana wange, oteerabiranga bye nkwegeresa, era idhukiranga byonabyona bye nkulagira.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 8:5

Oyo agondera ekiragiro kya kyabazinga tafuna buzibu, era omugezi amanha ekiseera n'ensambo ey'okutuukirizaamu ekiragiro ekyo

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 33:5

kuba yawulira eigwala aye yaaloba kufaayo ku kulabulwa okwo, kale yaafa era omusango ogw'okufa kwe gwamwiriraku mwene. Ngoli yafaayo ku kulabulwa okwo, yandiwoniiza obulamu bwe.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Luka 10:28

Yesu yaamukoba ati: “Oizeemu bukalamu, kola otyo, oidha kuba mulamu.”

Luka 11:28

Aye Yesu yaakoba ati: “Abasinga okuba ab'enkabi n'abo abawulira ekibono kya Katonda ni bakigema.”

Yoanne 14:15

“Oba nga mungonza, mugemenga ebiragiro byange.

1 Ab'e Korintho 7:19

Ekikulu tikukeketa oba butakeketa, aye kugondera mateeka ga Katonda.

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.