Ensambo 19:12 - Baibuli Ekibono kya Katonda 2014

¹² Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Ensambo 19:12 ပူးပေါင်းရင်းမြစ်များ

Amainhama 27:28

Katonda akughenga ku musulo oguva mu igulu, era agimusenga enimiro dho. Akughenga engaano kamaala, n'omwenge ogw'emizabbibu mungi!

2 Samueli 23:4

ababonekera ng'oti n'akasana ak'oku nkyo, ak'endhuba evaayo ku lunaku oluziraku bire ku igulu aba ng'oti maadhi agaleetera eisubi okusibuka okuva mu itaka.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 72:6

Abe wa mugaso ng'amaadhi agagwa ku bisimbe mu nimiro, agagwa okufukirira eitaka.

Ensambo 20:2

Kyabazinga bw'asungughala atiisa ng'oti n'empologoma eri kuwologoma; era ole yeenayeena amusonsoonia aba anoonia kufa.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Omulangirizi 8:4

Era bw'alagira ghazira airamu, oba okumubuuza ati: “Oli kukola ki ekyo?”

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Mika 5:7

Olwo Abaisiraeli abaliwonagho eyo ye baliba mu maghanga mu bunhage, baliba ng'oti n'omusulo oguva ye Musengwa Katonda, era baaba ng'oti n'amaadhi agagwa agakuza ebisimbe. Baja kwesiga maani ga Katonda gonka, se ti ga bantu.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.