Ensambo 18:24 - Baibuli Ekibono kya Katonda 2014

²⁴ Ab'emikwano abandi baba ba kiseera buseera, aye ghaligho abagumya omukwano okuwula n'owoluganda.

Ensambo 18:24 ပူးပေါင်းရင်းမြစ်များ

2 Samueli 1:26

Muganda wange Yonathani, ndi mu bughafu bubitirivu ku lulwo! Obaire mukagwa wange inho. Obairenga ng'ondholeka okugonza okutaloodheka, nga kusinga n'okugonza okw'abakazi.

2 Samueli 15:21

Aye Ittai yairamu kyabazinga Daudi ati: “Ndayira mu Musengwa Katonda omulamu, era naakulayirira Isebantu kyabazinga, nti buli y'onaajanga zeena yeenaajanga, ni bwe kinaabanga nga kyetaagisa kufa.”

2 Samueli 16:17

Abusalomu yaakoba Hushai ati: “Obwesigwa bwo eri mukagwa wo Daudi bwaja gha? Lwaki tiwaja naye?”

2 Samueli 21:7

Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

Ensambo 17:17

Ab'omukago bagonzania enaku dhoonadhoona, n'aboluganda baabaagho okuyambagana mu bizibu.

Ensambo 27:10

Otavanga ku bakagwa bo, oba bakagwa ba lata wo. Otanoonerezanga waluganda lwo ng'oli mu buzibu. Muliraanwa wo akuli okumpi awula owoluganda ali eghala.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

1 Samueli 18:1

Daudi bwe yamala okwogera ni Saulo, Yonathani mutabane wa Saulo oyo, yaatoolera mule okugonza einho Daudi, era yaamugonzanga nga bwe yeegonzanga mwene.

1 Samueli 18:3

Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.