Ensambo 18:22 - Baibuli Ekibono kya Katonda 2014

²² Omuntu afuna omukazi ow'okufumbirwa aba wa nkabi, era Musengwa Katonda amusanhukira.

Ensambo 18:22 ပူးပေါင်းရင်းမြစ်များ

Amainhama 2:18

Musengwa Katonda yaakoba ati: “Ti kirungi omuntu okubanga yenka. Ndidha kumukolerayo omubeezi amugwanira.”

Amainhama 24:67

Agho Isaaka yaatwala Rebekka mu weema eyali eya Sara inhina, yaamufuula mukazi we era yaamugonza. Ekyo kyaleetera Isaaka okuguma mu nnaku ey'okufiirwa inhina.

Amainhama 29:28

Yakobo yaaganha, era enaku omusanvu bwe dhaawaaku, Labani yaamugha mughala we Rakeli okuba mukazi we.

Ensambo 12:4

Omukazi akola ebirungi ateesa mu iba ekinhagansi, aye ole aswaza aba ng'oti bulwaire bwa kokolo mu magumba ga iba.

Ensambo 19:14

Endhu n'eby'obukombe ebindi bisikirwa okuva ku bazaire, aye omukazi omutegeevu aba kirabo okuva ye Musengwa Katonda.

Ensambo 3:4

Agho Katonda aidha kukusiimanga era n'abantu batyo, olwo oyetebwe ow'empisa enungi.

Ensambo 8:35

Abo abandhagala ni banzuula bafuna obulamu, era Musengwa Katonda abasanhukira.

Omulangirizi 9:9

Sanhukiranga mu bulamu buno ni mukazi wo y'ogonza, enaku dhoonadhoona edh'obulamu bwo buno obuziramu muganhulo. Ogwo n'omugabo gwo Katonda gw'akugha mu kufaabiikana kwo ku nsi.

Hosea 12:12

Yakobo yalumukira mu nsi Aramu, yaatuuka eyo yaayayiranga omuntu entaama, ng'apakasa asobole okufuna omukazi.

1 Ab'e Korintho 7:2

Aye olw'okweghala obwenzi, buli musaadha abenga n'omukazi we, ate buli mukazi abenga n'iba.

Ruthi 4:10

Okwo kwe nhongereza okutwala Ruthi Omumoabu namwandu wa Mahaloni nga mukazi wange. Olwo, ebintu ebyo tibiidha kuva mu maina ga bafu, era n'amaina gaibwe tigaidha kwerabirwa mu bantu ab'omu kibuga, nti lwa kubulwa musika. Imwe muli badhulizi b'ebyo olwaleero luno.”