Ensambo 18:19 - Baibuli Ekibono kya Katonda 2014

¹⁹ Bw'oyamba owoluganda, akukuuma ng'oti n'ekimante ekigumu ekyezungulwire ekibuga, aye bw'osoola naye takuganha kuja y'ali, ku ndhigi ataaku bwa minhololo.

Ensambo 18:19 ပူးပေါင်းရင်းမြစ်များ

Amainhama 37:11

Baganda ba Yosefu baamugemerwa ensaalwa, aye ise yaasigala nga yeefumintiriza ku ebyo Yosefu bye yayogera.

2 Samueli 13:22

Abusalomu yaakyagha Amunoni olw'okukaka Tamari mwanhina, era nga tayogera kintu ni Amunoni oyo, ka kibe ekirungi oba ekibi.

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 18:18

Okukuba akalulu kulekeza entaka, era kwalamula ab'amaani.

Ensambo 18:20

Omuntu ali n'okugumira byonabyona ebiva mu ebyo by'ayogera.

Ensambo 6:19

okugha obudhulizi obw'obuguya, n'okusiikuulira abantu abali aghalala ebizibu.

Ebikolwa by'Abatume 15:39

Ghaabaagho okutakana okw'amaani ghagati waibwe, n'okwawukana baayawukana. Barunaba yaaja ni Mariko baasomoka baalaga e Kupuro.

1 Samueli 17:28

Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”