Ensambo 18:16 - Baibuli Ekibono kya Katonda 2014

¹⁶ Omuntu ali n'ekirabo ky'aleeta bamusegulira yaabita, yaatuuka ni mu maiso ag'abantu abakologho.

Ensambo 18:16 ပူးပေါင်းရင်းမြစ်များ

Amainhama 32:20

Munaamukoba muti ‘Bwenebwene omugheereza wo Yakobo ali kutuvaaku einhuma!’ Kuba Yakobo yakoba mule ati, ‘Ndidha kumuwooyawooya n'ebirabo ebinkulembeiremu, olwo bwe nnaamwagaana, katyo anaatusangaalira.’ ”

Amainhama 33:10

Yakobo yaakoba ati: “Busa, nkweghembye bw'oba ng'ongemeirwa ekivunika ganha otwale ekirabo ekiva mu ngalo dhange. Kuba okubona amaiso go, kuli ng'oti n'okubona amaiso ga Katonda, olw'ensambo y'onsangaaliiremu n'ekivunika ekyaga agho.

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

2 Bakyabazinga 5:5

Kyabazinga wa Siria yaakoba ati: “Kale ja. Ndidha kughandiikira kyabazinga wa Isiraeli embaluwa ogimutwalire.” Agho Naamani yaaja ng'atwaire n'ebitundu bya feeza enkumi isatu (3,000), n'ebya zaabu kakaaga (6,000), era n'ebivaalo ikumi ebirungi.

Ensambo 17:8

Abantu abakozesa enguzi bagyesiga ng'oti bulezi, era bagyesiguliraku bati ezira ky'eremwa.

Ensambo 18:17

Omuntu asooka okuwoza mu musango aboneka ng'oti n'omutuufu, okutuusa owundi lw'aidha naamulumiriza.

Ensambo 19:6

Abantu kamaala benda okukwana omuntu ow'ekitiisa, era buli muntu yeegomba abe mukagwa w'omuntu omugabi.

Ensambo 21:14

Ekirabo ekigheerwa mu ngiso kiikaikania obusungu; era enguzi egabibwa mu kyama ewooyawooya ali n'ekiruyi.

1 Samueli 16:20

Yesse yaatoola endogoyi yaagitwika emigaati n'ensawo ey'oluwu erimu omwenge ogw'emizabbibu, era yaatoola n'embuzi entototo, ebyo byonabyona yaabigha mutabane we Daudi abitwalire Saulo.

1 Samueli 25:27

Era mperaano, musengwa wange, ekirabo kino nze omugheereza wo omukazi kye nkuleeteire, kighe abasaadha bo.