Ensambo 18:15 - Baibuli Ekibono kya Katonda 2014

¹⁵ Omuntu omutegeevu ayenda okwega, era omugezi anoonenkereza okumanha.

Ensambo 18:15 ပူးပေါင်းရင်းမြစ်များ

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

Yobu 8:10

Bwenebwene ab'eira abo baidha kukwegeresa, era bakukobere bye baidhi.

Ensambo 1:5

Omugezi bw'adhiwulira yeeyongera okwega era omutegeevu yaafuna okulambibwa.

Ensambo 10:14

Abantu abagezi bakozesa amagezi ge bafuna n'obwegendereza, aye abaziramu kategeera boogerayogera eyo batyo, beereetera okuzikirira.

Ensambo 15:14

Omuntu omutegeevu anoonenkereza okufuna amagezi, aye omusiru awulira nga obusiru bumumala.

Ensambo 15:31

Ole aganha okunenezebwa okulungi afuuka mugezi.

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ensambo 4:5

Otabyerabiranga waire okubivaaku. Funanga amagezi n'okutegeera.

Ensambo 4:7

Amagezi n'ekintu ekiwula obukulu. Kale ni funanga amagezi. Era mu byonabyona by'onaafunanga, twalanga amagezi nga n'ekintu ekikulu.

Ensambo 9:9

Bw'ogalagira omuntu omugezi yeeyogeraku okuba omugezi. Bw'oyegeresa omuntu akola ebituufu yeeyongeraku okwega.

Luka 10:39

Ono yali ni muganda we nga bamweta Maria. Maria oyo yaatyama agho gha bigere bya Musengwa yaawulirisa by'akoba.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.