Ensambo 18:14 - Baibuli Ekibono kya Katonda 2014

¹⁴ Omuntu omugumu aghanga okuguminkiriza obulwaire yaabaagho, aye awoiremu eisuubi taghanga kubaagho.

Ensambo 18:14 ပူးပေါင်းရင်းမြစ်များ

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 109:22

Nze ndi mughafu era omwavu, ndi n'enaku nnene ku mwoyo.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 55:3

Ndhugumira olw'okutiisibwatiisibwa abazigu bange, gampweire olw'okuba abakozi b'ebibi bankiriga. Bandeetera ebizibu, era bantaaku enzigu nga baneeguguna.

Zabbuli 55:5

naadhugumira olw'okutya, n'ensisi yankuba ere.

Okuvaayo 6:9

Musa yaakobera atyo Abaisiraeli aye baaloba kumuwulirisa, kuba okukozesebwa obwiru n'obukambwe byali byabamalamu amaani n'eisuubi.

Ensambo 15:13

Ali n'eisanhu ku mwoyo omubonera ku kumwenha, aye ali n'enaku ku mwoyo aba munhiinkaavu.

Ensambo 17:22

Okuba omusangaavu, bulezi bwene obuwonia, aye okuba omunakughavu kugoogombya omubiri.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 2:7

Kale mperaano mugwaine mumusonighe era mumugumye, alobe kunakughala bujiiririire, na kuwaamu maani.

Yakobo 1:2

Aboluganda, bwe mutuukibwangaku ebizibu ebya buli nsambo, musangaalenga.

1 Petero 1:6

Musagambe olwa kino, waire nga mperaano musobola okumala akaseera nga mudaagadaaga olw'okulebwa mu kino ni mu kire.