Ensambo 17:6 - Baibuli Ekibono kya Katonda 2014

⁶ Abakaire badhuga olw'okuba n'abaidhukulu, n'abaana beenhumiririza mu bazaire baibwe.

Ensambo 17:6 ပူးပေါင်းရင်းမြစ်များ

Amainhama 48:11

Isiraeli yaakoba Yosefu ati: “Nali tidhuuba nga ndiirayo kabiri okukubonaku. Aye mpegaano Katonda anganhie okubona ni ku baana bo!”

Amainhama 50:23

Yaabona abaana n'abaidhukulu aba Efuraimu kamaala. Era yaalera ni ku baana ba Makiri mutabane wa Manasse.

1 Bakyabazinga 11:12

Aye ku lwa lata wo Daudi, ekyo tiidha kukikola ng'okaali mulamu, ndikikola ng'omwana wo n'afuga.

1 Bakyabazinga 15:4

Aye ku lwa Daudi, Musengwa Katonda yaagha Abiyamu oyo omwana omulenzi okumusikira ku bwakyabazinga mu Yerusalemu, n'okukuuma Yerusalemu nga kiri miraala.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Ensambo 13:22

Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’