Ensambo 17:5 - Baibuli Ekibono kya Katonda 2014

⁵ Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Ensambo 17:5 ပူးပေါင်းရင်းမြစ်များ

Yobu 31:29

Tisangaalirangaku kuzikirira kw'oyo ankyaye, oba okusagamba ng'akabi kamugwiriire.

Zabbuli 69:9

Okugonza einho eisinzizo lyo kuumazeegho; ebivumo by'abo abakuvuma biira ku nze.

Ensambo 14:21

Ole anhooma muntu mwine aba akoze kibi, aye wa nkabi oyo agemerwa omwavu ekivunika.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Ezekieli 25:3

Koba Abammoni bawulire nze Musengwa Katonda bye ndi kubakoba nti: Imwe mwasanhuka mwakoba muti, ‘Otyo, kirongoolo,’ eisinzizo lyange lwe baalyonoona, ensi Isiraeli ni bagizikiriza, n'Abayudaaya ni babatwala mu bunhage.

Obadia 1:10

“Edomu, oidha kuzikirizibwa era onhoomebwenga ebyanda n'ebyanda; kuba wanhaga ebintu eby'aboluganda bo, ab'enda ya Yakobo, era waabaita.

Obadia 1:16

Abantu bange baanhwa ekikopo ekikaagha eky'okubonerezebwa, ku lusozi lwange olutukuvu. Aye amaghanga goonagoona ageezungulwire ghano, gaja kunhwa ekikopo eky'okubonerezebwa ekisingaku agho okukaagha. Bwenebwene gaja kukinhwa kyonakyona era gamale gazikirire.”

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

1 Yoanne 3:17

Omuntu yeenayeena ali n'ebirungi eby'omu nsi muno n'abona muganda we ng'ali mu bwetaavu aye n'atamulumirwa naire, okugonza kwa Katonda kusobola kutya okuba mu muntu oyo?