Ensambo 17:14 - Baibuli Ekibono kya Katonda 2014

¹⁴ Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Ensambo 17:14 ပူးပေါင်းရင်းမြစ်များ

2 Samueli 19:41

Abaisiraeli boonaboona baaja ye kyabazinga baamukoba bati: “Lwaki baganda baife ab'omu kika kya Yuda baakutwibaku ni bakusomosa omwiga Yorudani iwe Isebantu kyabazinga, n'ab'endhu yo, n'abantu boonaboona be wali nabo?”

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 17:19

Ole agonza okusoola aleeta kutabukatabuka; era ole eyeekuluntaza anoonia kuzikirira.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Ensambo 20:3

Kiba kya kitiisa okwesamba aghali okusoola; aye abasiru buli kiseera baba mu kusoola.

Ensambo 25:8

Oteeyunirizanga kuseegha muntu mu mbuga olw'ekyo ky'oboine, kuba omuntu owundi asobola okuleeta obudhulizi obukontana n'obubwo yaakuswaza.

Ensambo 26:21

Ng'amanda bwe gakuuma omuliro mu ziiko, n'enku ni dhikuuma omuliro nga gukaayaka, n'omuntu asoolasoola atyo bw'akuuma ebizibu nga bikaaligho.

Ensambo 29:22

Omuntu asungughala amangu asiikuula okusoola, n'omuntu omukambwe agwa mu bizibu kamaala.

Ab'e Roma 12:18

Ku luuyi lwaimwe mukolenga kyonakyona ekisoboka mwisanienga n'abantu boonaboona.

1 Ab'e Thessalonika 4:11

Mufubenga okuba emiraala nga timwengiza mu bya bandi, era mufubenga okweyemerezaagho n'emikono gyaimwe nga bwe twabakoba.