Ensambo 16:7 - Baibuli Ekibono kya Katonda 2014

⁷ Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Ensambo 16:7 ပူးပေါင်းရင်းမြစ်များ

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 33:4

Aye Esau yaalumuka okuja okumwagaana, yaamugwa mu kifuba era yaamwevumba, bombi baalira amaziga.

2 Ebyomubyanda 17:10

Musengwa Katonda yaata okutya mu bantu b'obwakyabazinga bwonabwona obwali bwetooloire Buyudaaya, baaloba kutanulagho lutalo lwonalwona ku Yehoshafati.

2 Ebyomubyanda 20:30

Kale obwakyabazinga bwa Yehoshafati bwaba bwa miraala, kuba Katonda yamugha emiraala ku ndhuyi dhoonadhoona.

Ezera 8:36

Era baatwala ekighandiiko ekyalimu ebiragiro bya kyabazinga, baakigha abafuzi n'abakungu ab'ekiketezo ekiri ere ng'osomoike omwiga Eufurate. Abo baabayamba inho era bairuukirira n'eisinzizo.

Zabbuli 69:31

Ekyo n'ekisiimya Musengwa Katonda okusinga okumugha ente ng'ekigheebwayo, oba okumugha ente enume ng'omusengo, waire nga nkulu yeene eriku n'amayiga.

Okuvaayo 3:21

Era ndidha kuleetera Abamisiri okutya Abaisiraeli, Abaisiraeli abo balobe kuva mu Misiri na ngalo ndhereere.

Ensambo 16:8

Omuntu akatono k'afuna ng'akola amazima, kawula obukombe obungi bw'afuna mu bukupankupania.

Ensambo 3:17

Amagezi galeetera omuntu okuba mu bulamu obukalamu, era gaamuleetera okububaamu mu miraala.

Yeremia 15:11

Aa, Musengwa Katonda, kale ka kibe kityo, ebikolimo byaibwe bingeme, bwemba nga tyakugheereza bukalamu, era bwemba nga tyewolerezaagho muzigu mu biseera ebizibu era eby'obulumi.

Yeremia 39:12

“Muje mubone Yeremia gh'ali era mumulabirire bulungi. Mutamukola kabi koonakoona, aye mumukolere kyonakyona ky'ayenda.”

Yeremia 42:12

Nga nze mwene bwendi ow'ekivunika, yeena ndimuleetera okubagemerwa ekivunika, yaabaleka mwasigala mu nsi yaimwe. Nze Musengwa Katonda, ninze nkobye.’

Danieli 1:9

Agho Katonda yaaleetera Ashipenazi okugonza Danieli n'okumugemerwa ekivunika.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

Ab'e Kolosai 3:20

Abaana, mugonderenga ababazaala buliidho, kuba ekyo Musengwa ky'asangaalira.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

1 Petero 3:13

Kale bwe munaafubanga okukola ekituufu naani anaabakolanga akabi?

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.