Ensambo 16:33 - Baibuli Ekibono kya Katonda 2014

³³ Abantu baghanga okukuba akalulu babone ekinaavaamu, aye Musengwa Katonda mwene n'asalagho eky'enkomerero.

Ensambo 16:33 ပူးပေါင်းရင်းမြစ်များ

Nehemia 11:1

Agho abakulembeze b'abantu baasenga mu Yerusalemu baabanga omwo, aye abantu abaasigalagho abandi baakuba obululu okulonda omuntu omulala omulala ku buli bantu eikumi, okubanga mu Yerusalemu ekibuga ekitukuvu. Ate bale omwenda abasigalagho ku buli bantu eikumi, nga ba kubanga mu bibuga ebindi.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 18:18

Okukuba akalulu kulekeza entaka, era kwalamula ab'amaani.

Ensambo 29:26

Abantu kamaala benda okuba abagonzi eri omufuzi, aye Musengwa Katonda yenka n'akolera abantu obutuufu.

Ezekieli 21:21

Kyabazinga ow'e Babilonia oyo ayemereire ghale engira dhombi ghe dhaagaananira. Olw'okwenda okuzuula engira y'anaagema, ali kusuula obulaso ghansi, yeeraguza ku misambwa, era yaakebera eini ery'ensolo y'aghaireyo ng'omusengo.

Abalevi 16:8

yaadhikubiraku akalulu okulondagho enaaba eya Musengwa Katonda, n'enaaba eya Azazeli.

Yona 1:7

Agho abavuzi baakoba bati: “Ka tweraguze tubone atuleeseeku ekibambulira kino.” Bwe beeraguza, baazuula nga kiri kuvanga ku Yona.

Ebikolwa by'Abatume 1:26

Baakuba obululu, akalulu kaagwa ku Matthia, yaabalirwa ku Batume eikumi n'omulala.

Yoshua 18:10

Yoshua yaabakubira obululu mu maiso ga Musengwa Katonda agho e Shilo. Yaagabira ebika omusanvu eby'Abaisiraeli ebyali bisigaire, ekiketezo ekyo.

Yoshua 18:5

Olumaliira baidha kukigabaniamu ebitundu musanvu: Abayuda baidha kusigala nga bakaali mu kiketezo kyaibwe ekiri ku luuyi olw'omukono omusaadha olw'e bugwandhuba, ate ab'enda ya Yosefu boona basigale mu kyaibwe ku luuyi olw'omugooda era olw'e buvandhuba.

Yoshua 7:14

Kale bakobe oti enkyo baidha kwesoloza ghalala, olwo abantu abali mu buli kika baire emberi, nga buli kika kiidha lwakyo ndidha kwoleka ekika ekirimu eyasobya. Abantu abali mu buli nda baidha kwidha emberi, nga buli nda eidha lwayo ndidha kwoleka enda erimu eyasobya. Abantu abali mu buli ndhu edhiri mu nda eyo, baidha kwidha emberi, nga buli ndhu eidha lwayo ndidha kwoleka endhu erimu eyasobya. “Abantu ab'endhu eyo baidha kwidha emberi, nga buli muntu aidha lulwe.

Abalamuzi 20:9

Aye kino kye twidha okukola Gibea: twidha kukuba akalulu, memale tuje tukirwanise.

1 Samueli 10:19

Aye olwaleero muviire ku Katonda waimwe abawonia ebibamba n'ebizibu ebibagwira. Era munkobye mbateeregho kyabazinga abafuge. Kale ni, buti mwesoloze nga muli munda dhaimwe ni mu bika byaimwe.’ ”