Ensambo 16:24 - Baibuli Ekibono kya Katonda 2014

²⁴ Ebibono ebirungi bidhuudhuula ng'oti mudheenene, biizaamu amaani by'aleeta n'obulamu mu mubiri.

Ensambo 16:24 ပူးပေါင်းရင်းမြစ်များ

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Ensambo 12:18

Omuntu ayogera nga tasoose kulowooza, ebibono bye bifumita ng'oti mpiima, aye ebibono ebyogerwa n'amagezi biwonia.

Ensambo 15:23

Okwiramu ekituufu kusanhusa omuntu, era ekibono ekyogerwa mu kiseera ekigwaine kiba kirungi inho.

Ensambo 15:26

Musengwa Katonda yeenhinhata ebidhuubo ebibi, aye asangaalira ebibono ebirungi.

Ensambo 17:22

Okuba omusangaavu, bulezi bwene obuwonia, aye okuba omunakughavu kugoogombya omubiri.

Ensambo 23:16

Ndisagamba bwe ndikuwulira ng'oyogera ebituufu.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

Ensambo 3:8

Agho oidha kuwonezebwanga mu mubiri obulwaire bwonabwona, era obenga n'amaani mu magumba.

Ensambo 4:22

Omuntu bw'abyagala bimugha obulamu, era bya muwonia ebimuluma mu mubiri.

Omulangirizi 12:10

Yakozesanga ebibono ebinhoonha, aye nga by'aghandiika bituufu era nga bya mazima.

Olwembo 4:11

Iwe omugole wange, omunwa gwo gudhuudhuula ng'oti guliku mudheenene gwa ndhuki. Olulimi lwo luwoomerera ng'oti luliku bwa mudheenene gwa ndhuki na mata. Ebivaalo byo biwunha ng'oti n'obuwoowo bwonabwona obw'e Lebanoni.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

Okwolekebwa 10:10

Agho naatoola akazingo akatono mu ngalo dha malaika naakalya, mu kanwa kaadhuudhuula ng'oti mudheenene gwa ndhuki. Aye bwe namala okukalya kankaayirira mu nda.